|
Acuèlh |
| L'escòla Aimat Serre | |
| Istoric Associacion Info practicas |
|
| La vida de l'escòla | |
| Espaci calandrons Espaci aderents Que de nòu ? La letra |
|
|
|
PEDAGOGIA |
 |
Projèct pedagogic |
|||||||||
|
A la debuta del projèct e del metòd pedagogic
de las escòlas Calandretas, trobam los dos tèxtes fondators
seguents : Lo projèct pedagogic de l’escòla es basat sus dos aisses : - Lo bilingüisme occitan/françés
per l’immersion precòça e perlongada (los mainatges
cabussan tre la mairala dins un banh lingüistic) Aquesta pedagogia afavorisa los aprendissatges , la presa de responsabilitat per l’enfant e l’aquesiment de son autonomia, es força interressanta per la mesa en plaça d'un bilingüisme. Calandreta practica un ensenhament cooperatiu que basat
sus las tecnicas Freinet e la pedagogia institucionala. Calandreta desvolopa de dispositius qu'an per tòca
: Per aquò, Calandreta : |
|||||||||
Quasèrn del visitaire |
|||||||||
Presentacion de la classa, aquelas paginas pretendon pas a una presentacion ni a una definicion exaustiva de las Tecnicas Freinet o de la Pedagogia Institucionala … Pels mai curioses, e mai que mai pels parents d'escolans : trantalhetz pas de pausar las vòstras questions als regents, que vos pòdon respondre e parlar de sas classas. Res remplaça pas lo dialòg e lo rescontre ! |
|||||||||
|
Aprendissatge mutual |
||||||||
| Las classas de descobèrtas |
|||||||||
|
Per aprene a legir, escriure, comptar … De Tecnicas Freinet : jornal e estampariá, correspondéncia escolara, Tèxt Liure, Albums … (produccions que se pòdon escambiar) De luòcs de paraula : “Que de Nòu?”, Conselh, Boita a questions : se dison pas las meteissas causas segon los luòcs ont e d’ont se parla (“en tant que”) … D’Institucions : “Que de Nòu?”, Conselh, Mestièrs, Còlas e cap de còlas, Cenchas, Moneda … De luòcs definits : taulas e cadièras dispausadas pel trabalh, pel Conselh o pel “Que de nòu?”, un talhièr pintura, un talhièr estamparià, una taula de mòstra, un canton bibliotèca … D'aisinas : classadors, librets "mos mots", "Escrivi sens decas" (PEMF), fichièrs, quasèrns ... D’afichatges : Lei, règlas, produccions dels escolans, ajuda-memòri, afichas embelidoiras …
Tornar al menut del quasèrn del visitaire “Sèm lo … de setembre 20..., declari duberta la classa cooperativa GS/CP. S’acabarà lo … de julh 20…. Per la faire fonccionar, i a La LEI : Se trufam pas. Ensem, al Conselh, fargarem de règlas per la completar." Lei fondamentala de la classa TFPI (Tecnicas Freinet Pedagogia Institucionala), es pausada per lo(la) regent(a) tre la dubertura de la classa e es valabla per cada moment e per l’ensem de la vida de la classa.
Tornar al menut del quasèrn del visitaire Los mestièrs Pr'amor que la classa n'a de besonh, diferentas òbras e responsabilitats son despartidas dintre los qu'o vòlon e qu’an las competéncias per las menar. Los mestièrs son un punt d’ancoratge important dins la classa : balhan un ròtle a cadun, li permetent atal, se lo desira, una autra intrada possibla, un autre biais de s’inscriure.
Tornar al menut del quasèrn del visitaire Moment de paraula e d’acuèlh (de la persona, de l’en defòra, de l’imaginari, del non previst…) Se’s pas al pròpri una Tecnica Freinet, ne demòra simbolic : dubertura de l’escòla, interest dels escolans per lo verai … Se pòt menar de paraula sonque (istòrias vertadièras o inventadas, sòmis …), mas tanben d’objèctes, de cants … Es pas lo luòc ni lo moment “d’esplechar” : çò dich apela sovent un signe, pas obligatòriament una responsa, rarament una explicacion, jamai una espleitacion …
Tornar al menut del quasèrn del visitaire Lo Tèxt Liure Qualques evidéncias : Escrivèm * Es en escrivent qu’om apren a escriure * Se pòt tot escriure mas se pòt pas tot publicar * Se ditz pas parièr a un amic, un correspondent, dins un jornal, sus una aficha… * Se capita pas sovent del primièr còp : òm corregís, òm torna escriure… (Stage “Pratiques de la Coopérative, Réseau TFPI") Tornar al menut del quasèrn del visitaire Lo jornal es un dels punts d’ancoratge de las TF : es una produccion cooperativa que pòt concernir cada enfant. Conten - de tèxtes informatius, estampats en còla (torn de ròtle dels moments “trabalh en còla” quotidians), - de tèxtes liures causits e meses al punt collectivament, o meses al punt individualament e presentats a la classa, - de renduts-comptes, de poësias... Lo ventalh de las tecnicas es lo mai larg possible : estampariá Freinet, ordinador, limograf, serigraf, pocadors … Es un trabalh exigent, rigorós, que demanda un investiment dins lo temps. Cadun i pòt trapar sa plaça e i daissar sa marca.
Tornar al menut del quasèrn del visitaire Es una tecnica fòrça espandida, simpla sul plan material, eficaça e fòrça complexa per çò qu’es dels enjòcs. Percepcion del temps, de l’espaci, de la diferéncia … mas tanben trabalh sus l’imaginari e la representacion. Construccion de l’escrich, de sas règlas … Avedre un correspondent (o una classa correspondenta) es trapar de sens a l'escrich. Escriure per qualqu'un, escriure per èsser legit e comprès, demanda d'esfòrces (presentacion, clartat de çò dich, respèct de l'autre...) e balha tanben de satisfaccions (retorns, questions, mercejadas...). De segur, i a de règlas : los regent(a)s las se son balhadas dins un contracte simple, eficaç e necite.
Tornar al menut del quasèrn del visitaire Aprendissatge mutual Dins la classa cadun es e se sentís concernit per los progresses de totes, cadun es aculhit, respectat tal coma es, ont n’es, e los sabers e saupre-faire individuals son coneguts e reconeguts de totes. La classa es basada, otra la Lei que la fonda, sus de règlas simplas mas fondamentalas : trabalhi, geini pas, ajudi…
Tornar al menut del quasèrn del visitaire Còlas e Caps de còla La classa es partida còlas, amb un cap de còla, de còps un gafet. Lo trabalh es atal aisidament partit, e cadun a un interlocutor pròche. Las còlas son eterogènas : dròllas/dròlles, nivèls escolars e de comportament … Son fargadas segon un sociogram “exprès”. L’acamp dels caps de
còla, amb lo(la) regent(a), ajuda a preparar lo Conselh e a signalar las dificultats, mas tanben las capitadas, las esperas
…
Tornar al menut del quasèrn del visitaire Le Conseil / Lo Conselh Una de las basas de la classa P.I., existís pas sens produccion e sens las autras institucions, e reciprocament. Es per de que i a quicòm de far ensem, quicòm qu'a de sens e que demanda de s'organisar, que lo Conselh pren sens tanben e ven necite.
Tornar al menut del quasèrn del visitaire Cenchas Las competéncias disciplinàrias e en comportament son evaluadas per permetre a cadun de saupre ont n'es e ont ne son los autres, en referéncia a las competéncias qu’a d’aquesir : son las cenchas, sistèma calcat sus aquel del judò e qu’es rebat del nivèl real de cadun. Totas las colors son afichadas sus un tablèu, tan coma la progression de seguir : cadun se vei progressar, grandir, e sap ont cercar d’ajuda. Las cenchas permeton de fargar los gropes de trabalh per tala o tala matièra, segon los besonhs, e de distribuir los trabalhs de far.
Tornar al menut del quasèrn del visitaire Se tracta de sejorn prepausats pels
regents als enfants dins l’annada escolari. Aquel sejorn es preparat
amb los enfants. Es un moment força ric per l’enfant e la classa.
I viu de causas novelas en defòra del contèxt de l’escòla (dubertura
sus l’endefòra) e sul mitan de la familha (desvelopament de l’autonòmia).
S’i viu une experiéncia de grop força importanta que permitís sovent
de crear de novelas relacions entre los participants. |
|||||||||
Còla pedagogica |
|||||||||
Eric Lheritier Laurence Debotte Agnès Fiol
Delphine Pallaccio Gert Peyras L’afectacion dels ensenhaires
per classa se fa normalament per rotlament. A la còla ensenhaira, e contribuissent al bon fonccionament de las classas, s’apondon : Marianne Rojel Nathalie Euvrard
D'ajudas mairalas : Nathalie Dahan (PS/MS) Caludine Gomes (agent d'entreten e polivalenta)
|
|||||||||
page en
 français |
|||||||||
Ecole Associative Calandreta Aimat Serre, 2 rue André Girard - 30000 NIMES Tél/Fax : 04 66 26 97 78 - escola.associativa@calandreta-aimatserre.org |
|||||||||
