Es en 1988 que l’associacion « Calandreta nimesenca », que prefigurarà  l’escòla, es creada. L’annada seguenta, l’escòla dubrís amb uèit mainatges (una classa de pichòta e mejana seccion), 2 carrièira André Girard a Nimes. En 1991, l’escòla muda al 26 b, carièrra Becdelièvre. Tres annadas mai tard, i a son cinquanta e un enfants ecolarisats e tres ensenhaires. En omenatge a Aimat Serre, defuntat en julh de 1993, « Calandreta nimesenca » pren lo nom de « Calandreta Aimat Serre » en abrial de 1995.

La meteissa annada, lo CE2 es creat e l’annada seguenta, los primiers calandrons dintran al collègì. En 1995, los luòcs èran tròp pichòts per faire fàcia a son desvolopament, l’escòla muda dins los luòcs actuals . En 2007, l’escòla ten 82 mainatges escolarisats e cinq ensenhaires.

En 2003, la creacion d’una anèxa, per enfaciar la demanda creissenta d’inscripcion, es iniciada a travèrs la constitucion d’una associacion prefigurativa, « Leis Amics Dei Calandretas Nimesencas". L’objectiu d’aqueste anament seriá de traire las basas de la segonda escòla bilengüa occitana nimesenca. Fauta de luòcs adeqüats, aquesta novèla classa es provisiorament abrigada dins l’escòla Calandreta Aimat Serre. En 2007, s'installa dins los Nauts de Nimes e pren lo nom d'escòla Jòrgi Gròs.

 

Ecole Associative Calandreta Aimat Serre, 2 rue André Girard - 30000 NIMES
Tél/Fax : 04 66 26 97 78 - escola.associativa@calandreta-aimatserre.org