La botiga
Dons
Contactes
Ligams

Calandreta  es una escòla associativa, regida per sos estatuts (veire anèxa Estatuts de l’associacion).
Tot parent es membre de fach  que l’adesion fa seguida  de l’inscripcion de l’enfant (escotisson annadièr) e l’implicacion de cadun es benvenguda per gerir e faire viure l’escòla.
D’efècte, l’associacion es l' estructura que gerís l’escòla tant al nivèl de las finanças (crompas de forniduras escolaras, material d’esports,mobilièr …) qu’al nivèl del personal (contracte de trabalh, mesadas, emplecs del temps, …) mas tanben del foncionament de l’escòla e de son projècte.

   Las comissions son creadas amb l'acòrdi del CA. Son objectiu es de melhorar la vida de l'escòla al nivèl educatiu, financièr, de las animacions, ... Aquelas comissions, coma l’associacion e l’escòla, existisson pas sens la participacion dels parents.

Forum de las comissions - oct. 2006

Un forum de las comissions se debana lo dissabte trabalhat de setembre.
Cada comission i presenta sa tòca per fin que cadun se pòsca entre-senhar e s'inscriure.

A vos de faire vostra causida !


Forum de las comissions - oct. 2006

Vaquì las comissions existentas :

Cors d’occitan
Aquesta Comission creada sus l'iniciativa de la M.AR.P.O.C. prepausa de corses d'occitan pels parents. Traparetz d'entresenhas a l'escòla o a la M.A.R.P.O.C. (Maison pour l'Animation et la Recherche Populaire Occitane - 4 rue Fernand Pelloutier 30900 NÎMES - Tel. 04 66 76 19 09, del dimarç al divendres, oraris de burèu...)
Veire aquí el siti de la M.A.R.P.O.C.

Contacte : Jòrdi PELADAN (M.A.R.P.OC.)

Trabalhs
A per mission de faire de pichòts trabalhs d'entreten e de reparacions dins l'escòla.

Contacte : Eric Baljou

Acuèlh Novels Parents e Enfants
S'es fixat coma òbra de melhorar l'acuèlh e l'integracion dels parents e de sos enfants novèls venguts (acompanhament, visita dels luòcs, libret d'acuèlh, …)

Contacte : Isabelle Andreuccetti-Pastor

Edicion
Crea, edita e difusa de libres en occitan.

Contacte : Marianne Rojel, Pascale François.

Ferrada
Organiza la ferrada de l’escòla dins una manada, generalament al mes de mai-junh.

Contactes : Eric Lheritier, Corinne Lheritier, Valérie Martin.

Collègi
Aquèste comission a estada creada per establir puèi preservar lo partenarià de l’escòla amb lo collègi de la Revolucion.

Pichòta Pluma
Aquèste comission edita un pichòt jornal.

Internet
Aquèste comission a estat creada per promòure l’escòla. Crear puèi gerir lo siti Internet.

Contactes : Valérie Martin, Fabienne Puig.

Informatiqua
Aquèste comission permes a l'escòla de se dòtar en novels materials informatics e d'en assurar la mantenença.

Contactes : Eric Baljou, Didier Pfennig.

Beguda
Aquèste comission, animada per de parents de l’escòla, organisa una beguda per la feria de Nimes. A estada greada per ajudar al foncionament de l'associacion (finançament dels empleces per exemple).

Finançament de las classas vèrdas :

Aquela comission cerca e met en plaça d’idèas per finançar las classa vèrdas : venda de calendièrs, mercat bio, mercats a als flors.

Contacte : Christine Cipolloni

Dont Mercat a las flors
Aquela comission, animada per de parents de l'escòla coma las autras, organiza cada prima, un mercat a las flors destinat a amassar de moneda per las classas vèrdas.

Contactes : Françoise Arrazat-Semence, Sylvie Baljou, Sylvie Walker

Dont Mercat Bio
Aquesta comission, animada per de parents de l'escòla, organiza cada prima, un mercat de produches de l'agricultura biologica destinat a amassar de moneda per las classas vèrdas.

Contacte : Laurence Nayral

A costat de las comissions, existisson :

- Un jòc de palma al tambornet, un espòrt regional.
>>> Veire aicí lo Club Tambornet Nimesenc

Contacte : Eric Baljou